Үйлчилгээний нөхцөл

1.1.Энэхүү үйлчилгээний нөхцөл нь “НАМТАЙШИР” ХХК-ийн “Danke Market” худалдааны тэмдэгтийн дор борлуулагдах бүтээгдэхүүн, үйлчилгээ, түүнчлэн хамтран ажилладаг нийлүүлэгч байгууллагуудын бараа бүтээгдэхүүнийг danke.mn вэбсайтаар дамжуулан худалдан авах, хүргэх үйл явцтай холбогдон үүсэх бүхий л харилцааг зохицуулна.

1.2.Хэрэглэгч вэбсайт дээр худалдан авалт хийхээсээ өмнө энэхүү үйлчилгээний нөхцөлтэй танилцаж, хүлээн зөвшөөрснөөр уг нөхцөл хүчин төгөлдөр үйлчилнэ.

1.3.Энэхүү нөхцлийн хэрэгжилтэд “НАМТАЙШИР” ХХК-ийн “Danke Market” (цаашид “Байгууллага” гэх) болон Хэрэглэгч хамтран хяналт тавьж ажиллана.

1.4.Danke.mn вэбсайт 24 цагийн турш захиалга хүлээн авах боломжтой боловч захиалга бэлтгэх, хүргэх үйл ажиллагаа өдрийн 09:00–23:00 цагийн хооронд явагдана. Энэ хугацааны гадуур ирсэн захиалгыг дараагийн өдөр хүргэнэ.

1.5.“Danke.mn” нэр, лого, дизайн, баннер зэрэг нь “НАМТАЙШИР” ХХК-ийн өмч бөгөөд байгууллагын бичгээр өгсөн зөвшөөрөлгүйгээр хуулбарлах, олшруулах, өөр зориулалтаар ашиглахыг хориглоно.

1.6.Вэбсайт дээрх бүтээгдэхүүний мэдээлэл, үнийн шинэчлэл, урамшуулал болон бусад холбогдох мэдээллийн үнэн зөв, цаг үеийн байдлыг Байгууллага бүрэн хариуцна.

1.7.Хэрэглэгч вэбсайт болон үйлчилгээтэй холбоотой санал, гомдол, шүүмжээ энэхүү журамд заасны дагуу чөлөөтэй илэрхийлэх эрхтэй.

1.8.Энэхүү үйлчилгээний нөхцөлд ашигласан нэр томьёог доор дурдсан утгаар ойлгоно:

Компани

"НАМТАЙШИР" ХХК

Хэрэглэгч

вэбсайтад бүртгэлтэй иргэн

Захиалагч

вэбсайтаас худалдан авалт хийж буй иргэн

Оператор

захиалгыг баталгаажуулж, хэрэглэгчтэй холбогддог Байгууллагын ажилтан

Хүргэлтийн ажилтан

захиалгыг хэрэглэгчид биечлэн хүргэдэг Байгууллагын ажилтан

Вэбсайт

бүтээгдэхүүн, үйлчилгээг санал болгож, цахим худалдааг гүйцэтгэдэг https://danke.mn/

Нийлүүлэгч

өөрийн бүтээгдэхүүнээ danke.mn дээр байршуулахаар Байгууллагатай гэрээ байгуулсан этгээд

1.9.Хэрэглэгч нь иргэний эрх зүйн бүрэн чадамжтай байх шаардлагатай бөгөөд насанд хүрээгүй хүүхэд эцэг эх, асран хамгаалагчийн хамт худалдан авалт хийх боломжтой.

2.1.Хэрэглэгч danke.mn системээр дамжуулан 24 цагийн турш, хязгаарлалтгүй тоогоор захиалга өгөх боломжтой. Захиалга, хүргэлт 09:00–23:30 цагийн хооронд гүйцэтгэгдэх бөгөөд энэ хугацааны гадуур ирсэн захиалгыг дараагийн өдөр боловсруулна.

2.2.Хэрэглэгч Facebook болон имэйл хаягаар бүртгэл үүсгэж, вэбсайт дээр худалдан авалт хийх боломжтой.

2.3.Захиалга өгснөөс хойш 2 цагийн дотор захиалгын нийт үнийн дүнг зааврын дагуу 100% урьдчилан шилжүүлснээр захиалга автоматаар баталгаажна.

2.4.Захиалга хийснээс хойш 2 цагийн хугацаанд төлбөр гүйцэтгэх боломжтой бөгөөд энэ хугацаанд захиалгыг цуцлах, өөрчлөх эрх Хэрэглэгчид нээлттэй байна.

2.5.Захиалгын төлбөр Байгууллагын албан ёсны дансанд зааврын дагуу бүрэн орж ирсэн тохиолдолд захиалга албан ёсоор баталгаажсанд тооцогдоно.

2.6.Захиалга баталгаажих, төлбөр шилжүүлэгдэх, бараа хүлээлгэн өгөх зэрэг үе шат бүрт Хэрэглэгчийн бүртгүүлсэн имэйл болон гар утасны дугаарт мэдэгдэл автоматаар илгээгдэнэ.

2.7.Захиалгын төлбөр 2 цагийн дотор холбогдох дансанд ороогүй тохиолдолд захиалга автоматаар цуцлагдана. Цуцлагдсан захиалгыг сэргээх боломжгүй бөгөөд Хэрэглэгч шаардлагатай бол шинээр захиалга өгөх боломжтой.

2.8.Захиалгатай холбоотой асуулт, тодруулга авах шаардлагатай тохиолдолд Хэрэглэгч 09:00–23:30 цагийн хооронд Danke Market-ийн Facebook хуудас, вэбсайтын чат, эсвэл 7777-5555 дугаараар холбогдож болно.

3.1.Хүргэлт дараах дараалалтайгаар гүйцэтгэгдэнэ:

1. Захиалгыг хүлээн авч, Хэрэглэгчтэй холбогдон баталгаажуулна.
2. Захиалгыг ойролцоох салбарт хуваарилна.
3. Захиалгын ажилтан бүтээгдэхүүнийг шалгаж бэлтгэнэ.
4. Төлбөрийн мэдээллийг баталгаажуулна.
5. Хүргэлт замдаа гарч, Хэрэглэгчид хүргэгдэнэ.

3.2.Вэбсайт нь хүргэлтийн үйлчилгээгээ Улаанбаатар хотод голлон үзүүлэх бөгөөд Хэрэглэгчийн хүсэлтээр орон нутагт хүргэх шаардлагатай тохиолдолд орон нутгийн тээврийн хэрэгслээр дамжуулан хүлээлгэн өгнө. Ийнхүү гуравдагч тээвэрлэгчээр дамжуулсны улмаас үүсэх эрсдэлийг Байгууллага хариуцахгүй.

3.3.Захиалсан бүтээгдэхүүн хугацаа, эвдрэл, нийлүүлэлтийн боломжгүй байдал зэргээс шалтгаалан өөрчлөгдөж болзошгүй тул Оператор захиалга бүрийг заавал баталгаажуулж, Хэрэглэгчтэй зөвлөлдсөний үндсэн дээр эцсийн байдлаар баталгаажуулна.

3.4.Захиалгын төлбөр бүрэн төлөгдсөнөөс хойш, баталгаажуулсан хугацаа, тээвэрлэлт, аюулгүй байдлын нөхцөлөөс шалтгаалан бүтээгдэхүүнийг Улаанбаатар хотод 30 минутаас 3 цагийн дотор хүргэнэ.

3.5.Хэрэглэгч захиалга өгөхдөө хүргэлтийн хаягаа үнэн зөв, дэлгэрэнгүй бичих, өөрийн болон нөөц холбоо барих дугаарыг үлдээх шаардлагатай бөгөөд Оператор, Хүргэлтийн ажилтны дуудлагад хариу өгөх үүрэгтэй.

3.6.Захиалгын бэлтгэл, тээвэрлэлт, хүргэлтийг Байгууллагын мэргэжлийн хүргэлтийн баг гүйцэтгэх бөгөөд хүргэлтийн явцад бүтээгдэхүүнд гэмтэл учирсан тохиолдолд Байгууллага бүрэн хариуцаж, холбогдох арга хэмжээ авна.

3.7.Хотын доторх хүргэлтийн төлбөр бүсчлэлээр тооцогдоно: А бүс — 5,000₮, Б бүс — 8,000₮.

3.8.Хүргэлтийн ажилтан бараа хүлээлгэн өгөхийн өмнө хүлээн авагчийн утасны дугаарыг баталгаажуулж, бүтээгдэхүүний бүрэн бүтэн байдал, иж бүрдлийг нягтлан шалгасны үндсэн дээр Хэрэглэгчид хүлээлгэн өгнө.

3.9.Хэрэглэгч худалдан авсан бүтээгдэхүүнийхээ бүрэн бүтэн байдал, иж бүрдэл, тээврийн гэмтэл, дагалдах бэлэг урамшууллыг шалгаж хүлээн авсны дараа хүргэлтийн баримт дээр гарын үсэг зурснаар захиалгыг бүрэн хүлээн авсанд тооцно.

3.10.Хэрэглэгч ямар нэгэн шалтгаанаар хүргэлтээ хүлээн аваагүй (утасны дугаар холбогдохгүй, хаягт байхгүй, төлбөрөө өгөөгүй г.м) тохиолдолд хүргэлт дараагийн өдөрт шилжиж, нэмэлт хүргэлтийн төлбөр тооцогдоно.

4.1.Хэрэглэгчийн сэтгэл ханамжийг баталгаажуулах хугацаа 24 цаг байна. Энэ хугацаанд буруу сонголт хийсэн бүтээгдэхүүнээ (хэмжээ, өнгө, гадаад үзэмж гэх мэт шалтгаанаар) өөр бараагаар солиулах боломжтой бөгөөд дараах нөхцлийг хангасан байна:

• Ашиглагдаагүй байх
• Шинэлэг байдлаа хадгалсан байх
• Иж бүрдэл бүрэн байх
• Хадгалалтын горим зөрчигдөөгүй байх
• Гадаад сав баглаа боодол бүрэн бүтэн байх

Эдгээр нөхцөл хангагдаагүй тохиолдолд гарах зардлыг Хэрэглэгч өөрөө хариуцна. Хэрэглэгч бүтээгдэхүүний талаарх мэдээлэлтэй сайтар танилцаагүйгээс үүдэн захиалгаа буцаах, цуцлах бол буцаалтын журмын дагуу шийдвэрлэгдэнэ.

4.2.Хүргэгдсэн бүтээгдэхүүн үйлдвэрийн, тээвэрлэлтийн, эсвэл хадгалалтын гэмтэлтэй ирсэн тохиолдолд шинэ буюу ижил төрлийн бараагаар үнэ төлбөргүй сольж өгөх бөгөөд холбогдох хүргэлтийн зардлыг Байгууллага бүрэн хариуцна.

4.3.Буцаалт хийхэд гүйлгээний нэмэлт шимтгэл (QPay, SocialPay зэрэг банк, төлбөрийн системийн шимтгэл) — нийт дүнгийн 1%-ийг хасаж, үлдэгдэл дүнг Хэрэглэгчид олгоно.

4.4.НӨАТ-ийн баримт бүртгэгдсэн тохиолдолд НӨАТ-ийн 2%-ийн шимтгэлийг мөн хасаж тооцно.

5.1.Байгалийн гамшиг, төрийн эрх бүхий байгууллагын шийдвэр, хилийн болон гаалийн үйл ажиллагааны саатал, цаг агаарын нөхцөл байдал, хорио цээрийн дэглэм, эсвэл бусад давагдашгүй хүчин зүйлийн улмаас хүргэлтийн хугацаа хойшлогдож болно. Ийм тохиолдолд Байгууллага шалтгаан болон шинэчилсэн хүргэх боломжит хугацааг Хэрэглэгчид нэн даруй мэдэгдэнэ.

6.1.Хэрэглэгчээс гарсан гомдол, маргаантай асуудлыг вэбсайтын үйлчилгээний нөхцөл, нууцлалын баталгаа, түүнчлэн Монгол Улсын хууль тогтоомжийн дагуу шийдвэрлэнэ.

6.2.Байгууллага үйлчилгээний нөхцөлдөө өөрчлөлт оруулах эрхтэй бөгөөд оруулсан өөрчлөлтөө тухай бүр вэбсайт дээр нээлттэй байршуулна. Хэрэглэгч худалдан авалт хийх бүртээ хамгийн сүүлийн шинэчилсэн нөхцөлтэй танилцах үүрэгтэй.

6.3.Захиалга хийгдэх үед хүчин төгөлдөр байсан үйлчилгээний нөхцөл нь бараа хүлээлгэн өгөх хүртэлх хугацаанд нөхцөл өөрчлөгдсөн ч тухайн захиалгад үргэлжлүүлэн хамаарна. Бусад бүх тохиолдолд шинэчилсэн нөхцлийг мөрдөнө.